第一個目的地，便是要找油站為汽車入油。第一天取車時，車行職員已預先將最近還車地點的油站資料存入導航，但當我們跟著GPS的指示到了大阪車站附近時，卻被大量汽車穿梭、馬路路口縱橫交錯的景象嚇怕，找了好一會，方找到那個油站，然而，司機哥哥卻又被那個油站的設備所誤導，過門不入。兜了好一會兒路，其時司機哥哥已緊張得渾身大汗，他生怕再走錯路，上錯了高速公路的話，更會擔擱了還車時間。我們沒能幫上甚麼，就只好在旁以言語令緊張氣氛稍稍緩和。如是者，漫長的大半小時過去，我們總算平安抵達酒店及還車地點，司機哥哥亦示範了甚麼是臨危不亂，如何在五條行車線上、大量汽車穿梭中切線，厲害！
晚餐方面，經商量後，決定舊夢重溫 -伊万里屋，因為大家很掛念它的燒香腸。
可惜，當我們到達美國村商場時，原來是晚因大晦日的關係，整個商場就在下午六時關門，殘念！惟有轉去心齋橋的牛角，唉！又吃閉門羹！
想吃卻吃不到，想吃燒肉的念頭便越根深柢固地在我們的腦海內植根。其時我依稀記得，鶴橋那邊最多韓燒，而且很多都是由年到晚營業，既然我們飯後會到四天王寺，往鶴橋亦順路，就這樣吧！
一出車站，便看到大大小小的燒肉店在街道兩旁。忽然瞥見這間神戶牛炭火燒肉牛一招牌，記得之前準備行程做功課時，在日本網站上看過報道，所得的食評不俗，就試試這間的虛實好了。
見餐牌上有佐賀牛Set，在座中沒人吃過佐賀牛肉，人人也想試試，就選這個吧。
加點的神戶牛
まる腸（リボン）
汁燒牛舌
石頭飯
韓式薄餅
椰子雪葩
檸檬雪葩
當我將第一件燒好的佐賀牛肉放入口，團友問我味道如何時，我只懂得用手掩著嘴巴而笑，生怕牛肉散發的美味會因開口說話而飛走，很儍吧！哈哈~~真失禮！
這一餐是值得以誌﹝網誌﹞為記的！
劉鄧今日好得閒哩~
回覆刪除呢餐貴唔貴呀？果碟係乜腸，個樣怪怪地~~
見到你寫食佐賀牛的情景, 我對住個mon狂笑! (我未放工)
回覆刪除其實, 呢個係食佐賀牛嘅正常反應黎架! (托眼眼)
Maymay,
回覆刪除個遊記實在拖了很久，想在三月尾年結前完成埋佢！
這餐每人飲了兩杯飲品，埋單一共一萬四千多日元，不算貴。靜靜話你聽，千祈不要給大頭師奶聽見，我今日先發現原來網上有九折coupon，畀大頭師奶知道實肉赤死喇！
個まる腸我也不知道是甚麼，內裏全是肥膏，不試也罷！
小彭，
我自己諗番都覺得好好笑，原來呢個係你同我嘅正常反應，安樂哂！
牛一~~再去1次好唔好呢？
回覆刪除牛..牛..牛...下次題目打埋(小妹勿進)好喎...
回覆刪除你同小彭咁反應,佐賀牛應該好味過神戶牛哦呵?
”當我將第一件燒好的佐賀牛肉放入口，團友問我味道如何時，我只懂得用口掩著嘴巴而笑，生怕牛肉散發的美味會因開口說話而飛走”
回覆刪除開埠以來寫得最好o既食牛體驗應該係呢句！^o^
好高興大家都做了稱職好乘客，其實入油又唔使去佢指定o個間o既．
唔係吖嘛？有九折？我地呢位領隊點做嘢架？
回覆刪除嗰碟腸好恐怖，我地好似冇食晒啊呵？咁まる腸（リボン）即係乜乜腸呀？
呢餐真係幾好，有埋九折就仲好！
Ellen,
回覆刪除無夢幻團友，我估牛一的和牛都會失色啲。
小妹，
神戶牛我只吃過Steakland的午餐，級數都唔同，好難作比較，不過我會搵機會試真啲o架喇。
小娜，
哈哈~你呢句仲誇張過我寫嗰句。
職員話嗰間油站最近酒店，我地咪唔周圍搵囉。喺喎，點解我地唔去第二間入油呢？
大頭，
畀你喺小費度扣番喇，
兼下次補番個九折畀，滿意未？
まる腸= maru﹝丸﹞腸
リボン = ribbon
所以我都唔知喺乜。