星期日, 3月 15, 2009

亞茂整餅之蛋香綠茶曲奇

都是 Rempei 替我惹的禍。
話說有一天,他送我一袋曲奇四重奏的蛋香曲奇同蝴蝶酥,好吃到不得了,尤其是蛋香曲奇,不油膩,不太甜,食入口中,既鬆化又充滿蛋香,很適合我這種怕肥又怕太甜的人。但要我途長路遠,花兩個小時來回而買一袋曲奇,好像很不化算,況且,即使去到也未必有現貨吧!就是這種種原因,促使我要自家製。
曲奇四重奏的曲奇,標榜用最好的材料,讓我又也試試看:-


材料:宇治綠茶粉、德青源雞蛋、日本有機低筋粉、英國糖霜和法國總統牛油。


粉團一半原味,一半加了綠茶粉


製成品,味道還可,不及人家的鬆化,還有改善的空間,尤其是賣相方面,看來要添置一些曲奇餅模回來了。

15 則留言:

  1. 即時想到~~~下次去日本買咩送比你。。。。。

    回覆刪除
  2. 劉鄧這些曲奇真是不計成本啊!味道一定很不錯。

    回覆刪除
  3. 樣子一點也不賴啊!
    材料是特登買還是家裏早有存貨呀?

    回覆刪除
  4. 老師,
    謝謝~
    我要吉蒂頭~

    小頭,
    都貴唔過買一磅曲奇四重奏的曲奇。
    今朝帶了回公司,同事們不消一會便幫我清倉了~

    大頭仔,
    除了牛油和綠茶粉,其他的全部都是專登買的,我家附近有一間專賣蛋糕材料店子,就在B仔涼粉隔離,很方便。

    回覆刪除
  5. 我有曲奇模係屋企呀~

    維尼

    回覆刪除
  6. 同埋係吉之島十蚊店買曲奇模好平!

    維尼

    回覆刪除
  7. 曲奇四重奏的牛油酥條好好食呀!
    東急手已經有好多整餅工具賣喇!

    回覆刪除
  8. 看來假以時日,你都可以開返間曲奇專門店呢~~

    回覆刪除
  9. 牛油酥條真係好好味!謝謝堂主~

    回覆刪除
  10. 妹妹,
    我搵唔到,琴日走去買咗幾個喇~

    小彭,
    未食過牛油酥條,no comment!!
    東急手,好!睇吓今次有無機會去搜購先~

    Maymay,
    我淨係整架咋,之後就拎哂返公司糟肥啲同事~

    大頭仔,
    灣仔之友對你真係好~

    回覆刪除
  11. Rempei,
    我ge夢想是開一間細細間cafe,賣吓自家製曲奇同芝士餅等,可以一路整餅,一路同客人閒話家常~
    又係度發夢添!!

    回覆刪除
  12. 劉鄧,您人生俾我有目標得多,我只係在等運到而已~~

    回覆刪除
  13. 老師ge夢想是日日3點3坐係一間細細間cafe,嘆吓自家製曲奇同芝士餅等,可以一路食餅,一路同友人閒話家常~~哈哈

    回覆刪除
  14. 薯嘜,
    呢個邊係目標,呢個係發夢就真~

    老師,
    乜唔係坐係日本是但一間cafe咩?^b^

    回覆刪除