星期三, 7月 21, 2010

2010關東夏之旅 - Day 7 大宮、輕井沢、草津櫻井

今天開始自駕旅程,目的地是北關東一帶。出發前內心曾掙扎了好幾次,最後也決定拖著行李,坐一程JR到大宮駅才取車,以避過首都高速的塞車潮。


在櫻木町坐JR,個多小時便到大宮駅, 所需時間和自己駕車差不了多少。


很順利地找到了日產租車站,取過預定的Lafastra,四日三夜的自駕旅程正式開始。


這型號雖然外表不甚討好,但總算有點內涵,當收起最後一行座椅,便可足夠放上四個大喼,而且, 根據司機回報,這車馬力十足,縱然負重但仍能輕鬆地加速,一挨油門,車便如箭般飛,非常過癮。


再者,這車子配上了我見過中,最新頴的GPS導航系統,版面非常user friendly,清晰易明,加上發聲提示的幫助,整個行車準確指數,絕對可用得心應手來形容。


途中,就隨便選了這個高坂SA停下來午餐。 想不到在這裏也能遇到了香港同胞,還好大家也沒有失禮大家!




網上天氣報告預測今個下午有驟雨,唯有將去沼田薰衣草園的行程推後,改去輕井沢行街購物。


又雨又霧,駕車的更要提起十二分精神,辛苦你了!


在安全駕駛下,我們平安到了Prince Shopping Plaza,開始瘋狂購物之旅。


將近黃昏,我們才帶著一袋二袋,趕車直奔今晚住宿的地方。


草津溫泉有這麼多住宿可供選擇,我卻偏偏選了這間晚餐只吃普通到不能再普通的自助餐旅館,很奇怪吧?

因為大小寶均認為,懷石料理是整色整水大於味覺享受,很多時也未能將所有食物一一消滅掉,到職員來收拾時,多尷尬,又似沒禮貌,所以,我才想到要自助餐這個選擇,用心良苦吧!

在這旅館裏竟然遇到了由彿山來的實習生,一切接待、設施介紹等等也以廣東話進行,對我來說,感覺總有點怪怪的,很不習慣!

飯後,看過打水表演,再浸了溫泉,天還在下著雨,在橫浜帶來的花火滴滴金,就只好繼續讓它放在行李箱內,小寶帶著超失望的心情去睡啊!

10 則留言:

  1. 個 gps 啲路牌好清晰真嘅一樣喎~

    去完 SA 之後開車又雨又霧,乜咁似舊年我地喺個 SA 食完餃子之後去嗰個露天美術館嘅行程嘅~

    回覆刪除
  2. 我覺得部車外型都唔錯喎,雖然我唔係太喜歡日產車 ~~~

    回覆刪除
  3. 係, 呢個GPS真係一流. 上次去北海道NISSAN架車就係呢部, 輪到TOYOTA就係舊果隻, 一比較, 就高下立見, 舊果部成日要去到轉彎至轉個畫面話你知轉彎, 吾小心就會MISS左個彎位.

    回覆刪除
  4. 有冇去輕井沢個美術館?影相好得意個喎~~

    回覆刪除
  5. 帥哥,
    對!直頭真ge一樣。
    條路咪又係喺美術館隔幾個山頭~

    意粉,
    呢架已經係改良版,舊款的話,成架棺材車咁,見到都唔開胃~

    小儀,
    同係GPS,真係好難去形容呢部有乜嘢過人之處,係要用過ge人,先會明白個中分別~

    回覆刪除
  6. Maymay,
    無呀!連行街都唔夠時間,連銀座個邊都無去到呀!

    回覆刪除
  7. 今之晌日產租果間otti,都係用依款navi,真係幾好用~

    回覆刪除
  8. 冇野睇嘅,唔好偷懶,快d寫day8來看看先啦~~

    回覆刪除
  9. 萊少,
    呢款GPS真係好掂!所以,下次我都打算租番日產。

    回覆刪除
  10. Maymay,
    呢排懶蟲發作,又多街去,無乜時間係屋企揀相呀!

    回覆刪除