星期日, 7月 11, 2010

2010關東夏之旅 - Day 4 成田祇園祭

今天下午大中小寶抵東京,我乘著到機場接機之便,順道到成田觀看祇園祭


一出車站,便已看到山車在準備出巡。


由一班美少女做先頭部隊。


表參道兩邊的停車空位,擺滿是美食攤檔。


我連早餐也沒吃,找地方醫肚要緊。記得成田的鰻魚飯也頗有名,就鎖定吃這個吧。沒做功課,就用最簡單的方法找目標。見這店最多客人排隊,我也快手排埋一份。


排隊期間,店員便已代為落單,付款完畢不久,我便已有坐位了。一 路等吃,一路看師傳用馴熟的手勢劏魚。


開餐。鰻魚燒得很香,沒泥味,但稍嫌不夠肥美,燒汁亦較淡口。說到底,名古屋的,食法花巧多變,我認為那個才是日本一。


吃完飯,順道向新勝寺方向走去,又遇到這二輛山車經過。



Hi, 年半沒見,你好嗎?


穿過總門,見一隊僧侶魚貫進入大本堂,我也八卦地跟隨著。


原來要進行御護摩祈祷参詣儀式。一大班善信坐在地上,聽著僧侶的娓娓梵音,中間夾雜了幾陣震人心弦的鼓聲,令人頭腦突變澄明,心生敬畏。僧侶帶領著眾人頌經,我雖然聽不懂,但亦照著眾人低著頭,雙手合十,我雖然不是教徒,但能夠參與其中,實在是與有榮焉。參詣完畢,僧侣們魚貫離開。我亦差不多是時間要走了。


順著表參道離開,又遇到之前的山車。看著工作人員拉山車上斜坡,也替他們怠到辛苦 。


他們在做甚麼?


山車經過,工作人員將夾子上賀封取下,再回送一些物品如扇子,毛巾作回禮。


跟著又有第二台山車經過。


表演得最落力的,就數這一台的工作人員,不時在大聲唱歌跳舞。


看完這個祇園祭,真有點衝動想出年到京都觀看那個更大型的。

今天真的很高興啊!


在機場接過大中小三寶,再排隊買了 Suica & N'EX Pass,我們便向橫濱出發。

今晚下榻的酒店大堂。


走廊


房間



廁所


以8000円一間的價錢來計,這房間是沒有甚麼可挑剔的了。

6 則留言:

  1. 真係剛好一年半前呀!
    原來成田都有祇園祭架,咁不如改行程即刻落京都喇~

    回覆刪除
  2. 我對祭典興趣不大呢 ~

    間酒店睇落幾好喎 ~~~ :)

    回覆刪除
  3. 依間新酒店8,000yen晚抵到爛啦, 我果時search都要14,000yen架~

    個沖繩monchhichi幾時買架~

    回覆刪除
  4. 呢間酒店好掂喎,8000yen好過住東橫啦~~

    如果冇乜祭物祭,成田係咪好靜架呢?

    回覆刪除
  5. 橫濱d酒店好抵咁喎!
    由羽田去又方便, 下次要考慮下去橫濱先得喇!

    回覆刪除
  6. 大頭仔,
    我真係無咁癲!

    意粉,
    橫浜都算係本地人遊客區,閒日的酒店真係平到笑,反而東橫Inn就無做減價。不過,大家客源唔同,唔可以一齊比較。

    Maymay,
    以我黎講,梗係揀呢間啦!
    但本地的商務客,則可能會揀番東橫Inn呢啲,住開有感情嘛。
    無祭典的成田,咪好似日本的鄉下地方咁囉,不過的舖頭算收得夜,搵食容易好多。

    萊少,
    原本收萬二個陣我都想住,後尾見啲円紙水咁高先放棄,但一路死心不息,得閒就搵吓佢有無做特價,好彩畀我等到!呢間酒店好搞笑,做特價double room 居然貴過twin room。
    隻沖繩monchhichi幾年前係香港專門店買架。

    小彭,
    除了住,消費仲無咁貴添,但買藥房用品除外,而且,位置近海,天氣比想像中涼快好多,下次飛羽田時試下啦!

    回覆刪除