星期日, 5月 09, 2010

一週雜記

朋友仔上來吃飯,帶來東海堂出品的香芒芝士蛋糕,為我預祝母親節!這個芝士蛋糕的味道真不錯!


Maymay日遊回來,網友飯聚交收手信。趁吃飯前的空檔到Tomato Bookshop打個轉,可惜找不到想要的,空手而回!


由這個星期開始,逢星期五的晚上,我也要接受日本語再培訓,大家若想約我飯聚的話,麻煩相就一下,避開這天。
第一堂,老師大部份時間都在說廣東話,很不習慣。望著那些平仮名,有點陌生,堂上,老師不斷發問,令我腎上腺素飆升,頭腦空白一片,希望下一堂我會有所改善啊!下課後,驚魂未定,搭地鐵轉西鐵回家時,也錯過車站!今次感受到有壓力了!


吉吉又出動,去哪兒?


妹妹book了影樓拍照,當然帶埋這個好兄弟。


幾十歲人,仲要學點樣笑得靚,點樣才笑得自然,恐怕這將會是只此一次了!

18 則留言:

  1. 朋友仔送乜俾你都特別好味架啦,外母大人~^^

    我有冇送牛肉乾過你呀?

    回覆刪除
  2. Maymay,
    無嘢係必然ge~
    有,梗係開心啦!
    係噃!牛肉乾一返到屋企就食晒,唔記得影相添~

    回覆刪除
  3. 妹妹畢業了,輪到劉太重拾學生生涯,努力加油。

    朋友仔真係有心,個蛋糕當然香甜美味。

    這次學了怎樣笑得自然和靚,將來可大派用場啦 ^^

    回覆刪除
  4. 朋友仔識做,劉太梗開心啦!

    乜老師係中國人咩?

    回覆刪除
  5. 小頭,
    我係有自唔在,攞苦黎辛~

    意粉,
    我以為係韓國人,點知係祖國人。
    不過,先生的日本語發音又準又好聽,如果佢可以講多的日本語就好囉~

    回覆刪除
  6. 好多芒果呀!
    我覺得你好厲害呀!加油呀!

    回覆刪除
  7. 個蛋糕睇到都覺得甜啦!
    日本語は... ちょっと...

    回覆刪除
  8. 個蛋糕我睇到都甜啦,d芒果咁深色~

    聽日同細b食乜蛋糕好呢......

    回覆刪除
  9. 我都想學下點樣笑,唔知可唔可以分享吓呢?

    回覆刪除
  10. 薯嘜,
    我都係玩玩吓架咋~

    小彭,
    個蛋糕真係幾好食架~
    你仲未忘記晒的日本語嘛~

    萊少,
    就買呢個啦~
    好似用痕生咭有八折噃~

    lala,
    個攝影師好有要求架~
    一陣話要笑得自然啲,一陣話唔好笑到見唔到對眼,一陣又話要笑多啲,我覺得最難係要我笑多啲,但又要我撐大對眼!明白的自然會明白!哈哈~
    京都生活怎樣呢?很忙是吧?
    加油呀~
    第日有需要時,想搵人幫手打電話去民宿訂房的話,就靠你了!

    回覆刪除
  11. 早幾日睇過能力試新題目, 重組句子個d又好似ok識做喎... 但真係無位再去學d新野囉! 溫番以前個d都好夠我用, 不過溫極都未溫到.

    回覆刪除
  12. 的確好忙!成日都好多野想做,又好唔夠時間做,到底o的時間去左邊 ......

    但係我又唔想好緊張咁,我係一個放鬆左既香港人。

    訂房冇問題,不過講同聽都仲係好下手 ......

    回覆刪除
  13. 老師考n2呀, 加油呀!
    睇左n3咋, n2我就梗係唔識啦!

    回覆刪除
  14. 小彭,
    你又去考試咩?

    lala,
    不如將「想做的」寫下來,排優次,咁就會知道自己想點。呢一年要好好享受,唔好將係香港的「惡習」,例如兩、三點都唔瞓等等,帶到悠閒之都呀。

    老師,
    好彩我無打算讀上去唧~

    回覆刪除
  15. 瘋狂購物 = 同荷包作對呢 ~~~ :p

    回覆刪除
  16. 師姐,
    我個荷包直情係傷到入心入肺添啦!

    回覆刪除