星期二, 1月 26, 2010

六日目 - 依依不捨

快樂的日子,過得特別快,轉眼又到行程的尾聲。 這天要離開白浜溫泉,到関西機場附近留宿,方便第二天坐早機。
check-out後,便到白浜駅那邊閒逛。


整條街水靜鵝飛,人影都沒一個,數來數去,就只得我們這三個大頭鬼。

逛了兩三間手信店,沒甚麼收穫,便開車回大阪去。


這條阪和高速道路一定是很久以前已建成的!現今在日本,已很少看到高速道路是只得一條行車線了。


很美的風車,與這個藍天襯到絕!


途中,我們又在紀ノ川SA 上り線停下來,為的是這碗和歌山拉麵。






對這碗麵已沒甚麼印象,所以,味道應該是普普通通吧!

順利地在預定的時間前三個小時還車,但Toyota的職員卻沒有將這段時間的差額退回!不是趕著要去Outlet掃貨的話,我們一定會堅持夠鐘才還車的。


這個Outlet大大話話已來過三、四次,已經沒半點新意了。然而,小寶卻興致十足,惟有奉陪到底啦!


日本的冬季,太陽很早便下山。在這邊Outlet沒甚麼大收穫,便轉戰隔離的 Seacle


這個商場雖然店舖不多,但卻頗有特色。既有溫泉浴場,


亦有專為兒童而設的Creative Park,

更有一間超市山陽マルナカ在地下,內裏食物種類繁多,價格亦便宜,當日就見到一袋裏有五個中號裝的王林蘋果,只賣198円,恨得我牙癢癢!

超市轉角處有一間回轉壽司,見價錢不貴,有興趣的朋友可試試,試畢請告訴我好吃否,可以嗎?



而我們這一家不吃生的,本來一早訂了座在酒店的バーベキューハウス あじパラ吃放題,可是,大小二寶都怕熱氣,亦有點吃滯了,結果 ,我們去了這間有商標登錄的拉麵店。


吃過簡簡單單的一餐,


又要準備和美麗的大阪說再見了!

11 則留言:

  1. 四國既高速公路好多都係得一條行車線,高知果邊既國道更加好多段係單線雙程添 ~~

    回覆刪除
  2. 早還車原來有錢畀返架?

    今次回程時在成田 T2 都見有全品 138 yen 的迴轉壽司,不過太飽無去食,有海膽架!

    回覆刪除
  3. 有時太靜嘅地方會覺得好悶同好冇癮,太多人嘅地方又會好煩~@@

    回覆刪除
  4. 意粉,
    哦~咁如果有交通阻塞咪好弊~

    大頭,
    我見有啲人係網站度講話有囉,但我就無。^^

    Maymay,
    有得揀我就寧願要靜,話哂去旅行都係想休息同耳根清靜啫。

    回覆刪除
  5. 當年行阪和自動車道同你有一樣感覺, 仲要係好多貨車

    另外想問"全日空ゲートタワーホテル大阪"得唔得呢? 床舊唔舊?

    回覆刪除
  6. Jackson,
    哈哈~英雄所見~
    呢條高速連中間分開上下行車線的石膊都唔係整條都有,淨係用一條條紅白鐵柱楝係度就算,感覺有的牙煙!
    我係住呢隻房,三個人只係12,900yen
    http://www.anagth.co.jp/stay/list_twin.html
    床就唔算舊,都唔係「淋」個種,房間非常闊落,廁所同刷牙地方係分開的,但個廁所望落去就好舊,個浴缸變黃了,而去水同個花灑都無問題好正常。住呢間個最大賣點係佢個免費shuttle去機場,拎住一袋二袋的話,唔使係車站上上落落,直接係関西四樓離境大樓外落車,真係正到痺!

    回覆刪除
  7. Lautang,

    最慘係我好記得我跟住 D 貨車行足全程!! 佢最失敗係無乜追越車線,因為無乜長命斜。

    其實最方便係日航關西空港、因為係直通添。不過 semi-double 要 12000yen, 張床又舊..... ANA 最平 Double/Twin 都要 11000yen。我見佢 D 相好似好舊先問,thanks!! 其實有其它幾間都有 airport shuttle, 只係無 ANA o甘密班次o者, 有 D 7400yen 已經有交易。

    最慘我係搭 ANA,真係想瞓機場算數。

    Jackson

    回覆刪除
  8. 我有諗過日航,但一來貴,二來夜晚留係機場嗰邊,好似無乜街行,如果出返Rinku Town呢邊,坐一個站都要350yen,來回條數好襟計,所以先會住呢間,而且我貪呢間夠高,個view又靚,最後張相係由房間度影出去的。
    我就坐JAL,時間咪又係同你差不多,飛関西就預咗好難先有機會坐到CX507架啦!

    回覆刪除
  9. 通常隔一段路就有追越車線,但唔會好長,所以一定要把握機會。

    回覆刪除
  10. 條高速道路係令我唔係好想再去白浜個邊嘅原因之一. 再去或者要坐內陸機.

    我幾年前租トヨタ試過有錢退, 我估我還車前係未踏入下一個收費時區... 我早左好多個鐘還車.

    回覆刪除
  11. 小彭,
    我反而想搵次夏天去白浜,因為我覺得白浜好有沙灘小子個種feel,夏天白浜一定熱鬧好多。

    回覆刪除