星期五, 1月 28, 2011

27/12/2010呢日做咗啲乜(福岡、佐賀)

轉眼又到了行程的最後一個full day,一早起床退了房,趕上八時二十分的新幹線,一個多小時後,我又回到今次旅程的起點 - 福岡。


將行李寄存在今晚住宿的酒店後,下一步去那兒好呢? 向左走、向右走?完全無頭緒!於是,我用了某一位網友的方法,走到車站的入口,看看顯示版,那一部列車會先開出,就跳上那部列車好了。就這樣,我便上了開往豪斯登堡、長崎的列車。



昨晚福岡下了一場大雪,連少有下雪的九州今年也積雪連連,寒氣襲人, 地球先生真的病入膏肓了。


偶然聽到車廂中的廣播,這線列車會停佐賀站,一聽到Saga兩字,我便心有所念,急不及待就在此車站下車。在車站內找到了觀光案內所,順利取過地圖,為了尋找美食,路有多遠也不會計較。



跟著地圖,數著街口、路口,十多分鐘後,便找到這間座落在一片片民居的季樂 。這店連大招牌也沒有一個,不留神的話,很容易便會錯過。



向內走進,便瞥見了這幾片瑟縮在牆角的紅葉,迎風為我飛舞,似在向我說:「いらっしゃいませ!」


待應聽到我用非常生硬的日語回應食餐人數時,大概亦估到我是從外地來的,即時便遞上附有英文的餐牌。其實我最想試Shabu-Shabu,可惜要二人前才受理,最後揀了這個Yaki-Shabu。


前菜和沙津


主菜




煎掉了那五片牛肉和炒菜後,煎盤還剩下一大灘油,這佐賀牛的確是太肥了!


飯後甜品 - 蛋卷、柚子果凍和咖啡


結賬時,操著流利英語的經理專程走過來打招呼外,還要我幫他填寫問卷,令我感到此店頗商業化,有別於一貫的日本傳統食店。

吃過午餐,便走到對面的JA農產品市場逛逛。 買了這包一割的草苺後,忽然想起要幫同事到百貨店買化妝品,又怱怱坐車回福岡。


返回博多車站,找了個儲物櫃放下這盒草苺和重物,便走到巴士站坐車到天神。
走進岩田屋百貨,買了同事所要的物品,在電梯的宣傳板上看到,這幾天正在做北海道食品節,噢!荷包又出事了!
在岩田屋逛了很久,之後,轉戰天神地下街,揪著大包小包,人開始累了,肚亦開始餓了!想起今個旅程裏,我還未吃過博多有名的拉麵,今日無論如何也要試試。於是,我走入了一間書店,隨手取起一本福岡溜溜步,看看書上有沒有推介。揭開第一頁,寫著拉麵之王道 - 一風堂。我將有店舖位置的地圖用相機影下,跟著就在縱橫交錯的地下街內找出口。



開著相機的螢光幕,邊行邊看,不大困難便找到了。


我選了這個TAO黑。



首先呷一口湯,非常濃郁的豬骨味,沒有一點油膩感,非常美味。


麵條亦不賴,彈牙有嚼勁。九州之王道,果然不是浪得虛名。


吃罷,坐巴士回博多,取回儲物櫃的物品,再在車站的手信店放血,便打道回酒店。

往大澡場洗澡浸湯後,便返回房間吃那鮮甜清香的草苺。


再在電視螢光幕上欣賞令人笑破肚皮的東瀛阮兆祥演繹紅白歌謠祭人氣一百選,我感到很幸福!

22 則留言:

  1. 咁快就尾二的一 day?
    即係呢間季樂你一心諗住幫襯定係去到觀光案內所才發覺架?

    回覆刪除
  2. 係呀!呢個旅程得七日架咋!
    之前有睇過吓人地個遊記提過季樂,但上車那一刻,其實我係想去長崎,又或者佐世堡九十九島嗰邊。我係聽到下一站係佐賀,先醒起可以去食吓佐賀牛。

    回覆刪除
  3. 佐賀牛香港賣得巧貴,我未吃過啊~
    個飯後甜,見到都流口水~~~

    回覆刪除
  4. Maymay,
    個柚子果凍苦苦地、甘甘地,你一定鍾意。
    去開九州咪去試吓囉,但我始終認為鶴橋那間牛一的佐賀牛好味啲。

    回覆刪除
  5. 咁如果聽漏左"saga"依兩個音咪會去左豪斯登堡...?
    碗麵睇到都想食啦~

    回覆刪除
  6. 我們也是去了這家季樂,上次吃完佐賀牛的鍋剩下的油真嚇一跳,所以有同感是太肥了!

    冬夜在日本吃拉麵,倍感滋味溫暖。

    回覆刪除
  7. 呢日過得好型呀~ 我都有出過影低地圖呢招架, 但對於我完全唔work囉...所以我好想按個讚俾你!

    回覆刪除
  8. 個一風堂麵條咁粗嘅, 同我食開嘅白丸唔同.

    回覆刪除
  9. Roy,
    對!
    又可能會去咗長崎都唔定!
    拉麵,我鍾意一風堂多過上野間一蘭,九州一蘭就未食過,無從比較。

    小頭,
    我見有客人只係點国產牛套餐,睇個樣係無咁肥,肉質都好靚,應該會好啲,我就係盲目去追佐賀牛呢三個字,點知失望而回。

    回覆刪除
  10. 小妹,
    謝謝!
    係一人旅,先可以咁樣、好似玩康樂棋架咋!多一個伴,我就唔敢亂咁黎。
    睇地圖,我都係慢慢數街口,搞清楚東南西北,睇吓附近有乜嘢建築物咁,練習吓就得架嘞。

    小彭,
    係呀,白丸係幼麵,黑丸係粗麵,個職員都有同我話過。

    回覆刪除
  11. 祝劉家大小新年快樂身體健康,銀婚之旅精彩盡興。

    回覆刪除
  12. 恭喜恭喜, 萬事如意, 心想事成!

    回覆刪除
  13. 祝劉鄧一家身體健康,笑口常開!

    回覆刪除
  14. 多謝大家!
    我都祝大家今年勝舊年,食神常伴,日遊常有!

    回覆刪除
  15. 祝劉鄧&大中小寶一團和氣~ 身體健康~

    回覆刪除
  16. 一風堂真係每次去必食呢~

    BTW, 係咪應該 "JA農產品市場" 呢?

    回覆刪除
  17. Jackson,
    返黎la ? 行程順利嗎?
    對!是 "JA農產品市場",等我改番先,謝謝!
    一風堂真係無得頂,絕對值得為呢碗麵飛九州一轉!

    回覆刪除
  18. 我哋每次去必食白丸元味, 而且間間分店的水準穩定, 東京都有架~

    行程都算順利, 只係唔夠現金要死慳死抵~

    回覆刪除
  19. 等我下次試下白丸先~
    啲円咁死貴,就算帶夠我估我都會慳住使~

    回覆刪除