星期日, 9月 01, 2013

夏休みが終わった

這兩個月,過了一個非一般的暑假!
七月中,與大寶走了一轉日本中部,見識了松本城內,令一步一驚心的斗斜樓梯。

參觀了宏偉的黑部大壩

觀賞了夏雪下的室堂

為美麗寧謐白川鄉嘆息

吃過令大寶回味再三的飛驒牛

帶了兩位至愛回家


回來後,惡夢開始了......

由副校長處得到絕密消息後,我一直寢食難安,跟著還要應付七月尾、八月四號﹝所以今年不能去長岡看花火了!﹞的日本語口頭試驗和期末考試,及趕在八月放假前完成手上工作,在終極壓力底下,我出疹了!

除了手手腳腳痕痒難當外,連兩眼、耳珠也又痕又腫,名符其實的變了豬八戒!
可是,我的急速步伐並未因此而停下來,期末考試結束的第二天,我已和死黨們飛往天使之城度假去!
望著廣闊開揚的昭伯耶河上風光,頓覺心情開朗!我愛死這間Chatium Hotel Riverside Bangkok

何況還有令人渾身舒泰的泰式按摩和美食


曼谷,我愛上你了!

四天後,回歸現實,問題又再纏擾著我!皮膚敏感症狀更加肆虐,我不得已將安排好的大阪お盆之旅取消,打算利用這六天假期,好好休養生息。
哈哈!人閒心不閒!探舊上司的病、約團友C一班舊同事飲茶吹水、同中、小寶歎茶慶生,和曼谷之友吃 K Lunch,轉眼六天假期便一閃而過!

銷假上班後,每天八半、六半,忙得要死,飯也沒煮過幾餐,但最折磨我的,仍然是那個消息!終於、終於,在暑假結束前,我死死氣將壓著心頭的那塊大石,轉移到另一位副校長心上,希望他能找到辦法將之擊破吧!否則,我極有可能要退休了!

這個暑假,就在這忐忑不安、忙亂的心情中,轉眼間便怱怱過去了!

15 則留言:

  1. 回覆
    1. 對!
      我以後的命運係點,就交給上帝去安排了!

      刪除
  2. 呢個7/8月呢, 我就覺得過得好快!

    而我就要不停飛來減壓 (實質係逃避)!

    唔知我會唔會同你一樣, 愛上BKK呢! :)

    回覆刪除
    回覆
    1. 我都想不停飛!但驚第日手停口停,都係時候儲番的錢養老了。
      BKK好吖!的酒店一般都又平又正,係的餐廳食嘢點菜完全唔使考慮價錢,的泰式按摩又好得,唯一要彈,就只有的的士司機,我真係無心力同佢地bargain講價!

      刪除
  3. 我無乜壓力, 所以七八月無得飛!

    回覆刪除
    回覆
    1. 咁唔通要等到十、十一月時先有壓力?
      小儀姐好似十一月要飛呀呵!?

      刪除
  4. 我之前咪又做得好辛苦.....轉過份工之後舒服曬!(當然少少代價是要付出的)

    回覆刪除
  5. 回覆
    1. 你講你自己咋?!
      你的2014農曆年機票唔係已經出咗咩?

      刪除
    2. 已經出齊 3個 trip, 但未解決, 睇完依篇感覺我有壓力

      刪除
  6. 既來之,則安之,
    壓力大就最緊要識減壓。

    回覆刪除
    回覆
    1. 萊少,
      點樣可以減壓??
      最近我連酒都唔飲得喎!^__^

      刪除
  7. 諗返起你口腫臉腫個樣真係幾嚇人啊
    去睇紅葉輕鬆下喇~~~頂唔順嘅話

    回覆刪除
    回覆
    1. 死仔包!係咪仲係傷口度灑盬呀!
      你見到我ge時候,都唔算係最差。難為我的同事,成個星期都被我所嚇。
      我都好想去睇紅葉,但,就算要走,都應該係出年四月尾ge事!

      刪除