星期日, 9月 09, 2012

衝擊

滿以為已有侍奉過八位主子的經驗,又是這裏的四朝元老,新官上場大概也能駕輕就熟,然而,我又一次跌眼鏡了!
才正式上任一星期,已嚇走了兩位工友,主子給我的印象是,急、要快、一邊做一邊看情況擺軚,頗難適應。對人則愛扮熟落,吩咐別人做事時,完全不用「請」、「麻煩你」等字眼,與我之前的八位敦厚前主子,明顯大相徑庭!我要怎樣說服自己為這樣的主子工作呢!?
之前坊間還有傳聞,說他是一個普普通通的好好先生,對我而言,這傳聞是有點過譽了!
這個星期,我活像妹仔亞四,辰時卯時就有人在房中大聲呼叫我名字,然後吩咐這、吩咐那,難道不知道有內線電話這種東西嗎?
活到老、學到老,想不到這兩句說話會成為我近來的座右銘。我會認認真真地努力去適應,不過,過程中的我,肯定會元氣大傷。

15 則留言:

  1. 你都快樂左咁多年, 係時候再練下EQ啦! ^^
    唯有諗多D開心野, 計劃下旅遊大計.

    回覆刪除
    回覆
    1. 現在,我要用雙倍力度去說服自己,為何要為這位教育界中堅份子效力,簡直渡日如年。

      刪除
    2. 你唔係為佢效力,係為學校效力。

      刪除
    3. 你在為旅行基本效力。哈哈哈

      刪除
    4. 係!師姐,咁諗個心會好過啲~~

      Joeyee,
      就係因為做得好辛苦,先會去咁多旅行,呢云真係唔知有雞先、定有蛋先囉!

      刪除
    5. 就係要去咁多旅行, 先要自己再努力啲.

      刪除
    6. 係!以我呢的硬頸性格,一定會死頂!日本,我一定會再來~~ 哈哈!

      刪除
  2. 咁家陣你明我以前點解咁燥喇^_^

    回覆刪除
  3. 新上任,可能佢想快D上手, 所以樣樣野都要快、急 !

    回覆刪除
  4. 佢係咪大大聲叫你"珠珠"呀~^O^

    回覆刪除
    回覆
    1. 如果佢咁叫我,我一定會大聲回應"咮......"

      刪除