星期六, 10月 08, 2011

煲劇

八月中時,因為要清假的關係,取了三天假在家裏休息。
豈料,第一天,便遇上鄰居大裝修的日子,電鑽、敲打的噪音,令我腎上線素飊升,惟有出街避之。大熱天兼一個人,那有甚麼好去處,在元朗逛了幾小時,死死氣躝回家!要逃避令人頭痛的噪音,我想到了用耳塞這方法,橫豎手頭上有一套借回來已幾個月,一直還未開封的五十集日劇 - 篤姬。為此,我令自己墮進了萬劫不復這地步,才追看完一套劇集,便心思思地急不及待地,再找另一套來填補那份失落感!最近,我......連以前自己最討厭的韓劇也不放過,我,真是無話可說了!
韓劇,一向給我的印象是,婆婆媽媽、哭哭啼啼、節奏慢得像拖腳布的,然而,看過幾套口碑不俗的之後,令我大感意外。首先,節奏明顯加快了,畫面亦拍得非常優美,而最令我驚喜的,便是那出色的配樂,首首動聽悅耳,令人忍不住一聽再聽!就介紹幾套我認為ost非常精彩的給大家。

檢察官公主




女人的香氣




看完這一套劇,我有點衝動想去學跳探戈。

最佳愛情






這套「最佳愛情」,是我至今看過的最精彩一套,今天知道了有線電視買下了版權,十月十三日晚開始,在娛樂台作為台慶劇首播!

哈哈!我追看的劇集竟然大部份是愛情劇,當然有其原因,因為,每天也置身在殺戮戰場般的職場上,就只好靠這些來平衡一下我那片冰冷的心!
相信這股韓風,仍然會在我家吹多幾個月吧!

8 則留言:

  1. 我依家睇緊《龍馬伝》同《IQ 博士》,不過係久唔久先睇一次 ~~

    回覆刪除
  2. 如果你想追劇的話,介紹你看一套日劇叫Ghost Friends,是09年NHK出品,原因好簡單:與其睇TBB翻拍到唔湯唔水,不如睇原裝!事先聲明,套劇好感人的,請準備紙巾!

    回覆刪除
  3. 師姐,
    龍馬傳我唔敢追,幾十集我驚追開停唔到!韓劇我多數都係揀嗰啲得十六集ge,太長,我驚我會荒廢學業呀!

    Ah Ming,
    謝謝推介!有時間會追看。

    師妹,
    最主要係公司的電腦係blogger留唔到言,而今年又撞正學校三十周年校慶,呢排做到無停手呀!

    回覆刪除
  4. 看劇喪智, 萬劫不復, 拿拿聲抽番個頭上黎啦!

    回覆刪除
  5. Joeyee,
    自甘墮落,我無得救架嘞~
    咁煲劇點都慳錢過去行街shopping ge~

    老師,
    咁加油啦!
    睇晒再走番轉去入貨!

    回覆刪除
  6. 對我黎講煲劇已係多年前既事,而家連電視劇集都少睇...

    回覆刪除