星期三, 12月 09, 2009

師奶踢館

認識我的人都知道,我素來都是「大雞唔食細米」的人(^o^),很少會為三數元的差誤而動氣!但當遇到以下情況時,又作別論了!

餐牌話明包括熱奶茶或咖啡一杯,凍飲加三元,紅荳冰和鹹檸檬雪碧特飲加六元。




可是當我想將餐飲轉罐裝汽水時,待應說要加三元,原因是汽水屬於凍飲,所以要加三元。當時我真想叫她給我熱的算了!但為怕令人以為我踩場,惟有轉叫別的!見餐牌上檸檬可樂的價錢冷熱也一樣,估計點冷的話,應該是加三元吧!可是,今次待應說:「凍檸樂要加四元定五元,不過我都唔清楚,要問問,轉頭覆你。」結果,得到的回覆是,凍檸樂餐飲要加五元,這是公司規矩。然而,餐牌上卻找不到任何提示,很明顯這間餐廳的管理是有點問題了。
當時我開始動氣了,便找經理投訴,我對他說:「很多餐廳的餐飲都是只收取基本餐飲的差額,你們的卻是別具一格,令人混淆。」,但意見歸意見,看到經理的表情,我知道,我是白說了!

9 則留言:

  1. d伙計理得你咁多吖,慳番啖氣把啦~

    回覆刪除
  2. Jackson,
    係啦~
    你估中晒個經理嘅表情!

    意粉,
    落晒單,我驚佢會話:「你唔食都唔該埋咗張單先啦!」

    Maymay,
    香港人就係咁,成日都唔想進步,淨係想點樣賺到盡!

    回覆刪除
  3. 大頭,
    你認為佢地連價錢都唔清清楚楚預備好俾客人睇,而的伙記又唔清唔楚,都叫做幾有管理呀?
    我就覺得唔好信晒的廣告囉。

    回覆刪除
  4. 嬲都真係無乜意思, 講佢兩句就算, 留番啖氣暖肚!

    回覆刪除
  5. 有些黑店,真係同佢講都無謂,只有嘆運氣不好,無下次。不過最緊要俾大家知,免得再有人受害。

    回覆刪除
  6. joeyee,
    我發覺我越老個人就越唔化,係要篤爆人先安樂!呢間嘢仲標榜走現代管理,以我個角度睇,佢地除咗有用五常法之外,有邊樣係現代管理呢?

    小頭,
    字裏行間滿有怨氣,似乎你都踐過好多地雷喎!^o^

    回覆刪除