自從退了「舒適堡」會籍後，我至少有幾年沒正正式式做過運動！
只吃不動，難怪每每站上磅後，指針也順著時鐘方向，不斷地向前邁進了！
兩小時的活動，好好地出一身汗，感覺非常暢快！
至於羽毛球賽的詳情，請看Ellen老師的第一手報導 - 男女子亂戰羽毛波大賽
運動過後，又是醫肚時間。
星期六下午在沙田新城市，好吃的店全部有一條長長的人龍！
結果，我們選了百瀧。
開餐前先來個手信交收時間。
這又是Ah Ming送給我們的。謝謝！
午餐的餐湯 - 蟹柳忌廉湯
主菜 - 炸蝦天婦羅拼雞扒
甜品
咖啡
Maymay送給Ming的，新幹線可樂電話繩，Ming收到後很隆而重之地將之收藏在寶庫內！謝謝！
今天過得很開心，真的！謝謝大家！
回覆刪除咦，幅甜品相有景深喎！
仲有，希望我都用到張 3 day 東北 pass 喇！好想去摘もも！
漏咗添，要多謝 ah ming ！
回覆刪除大頭：張pass你一定用到嘅！唔該摘埋我地嗰份momo吖，仲要順手帶埋番黎喎！
回覆刪除多做運動好，唔知邊位至好打呢？
回覆刪除意粉：我地已經book左場，下個月又打過，你下次打埋一份，咪知邊個至好打囉！
回覆刪除咁夜仲唔瞓，係咪又煲碟呀？
佢地每個人簡直國家隊選手啦！
回覆刪除哈哈，意粉走唔旭囉，你地班年輕人較量下啦 ~ ^_^
回覆刪除估唔到 ellen 最抵打！噢，係最好打！
回覆刪除玩得很開心呀，希望下次能參與吧。
回覆刪除尋日部腦上唔到網......
回覆刪除多謝阿明and maymay既手信~
有好幾個月無打羽毛球，好彩近排有操開Wii，如果唔係點打兩粒鐘~~
剛剛上CX及JAL check價錢，6月28日至30日出發要加$200-$350，計唔掂數添...
係喎，大家有手痛腳痛嗎？我有少許喎！
回覆刪除萊少︰27 號出發可以嗎？我諗住聽日 call 吓莫小姐問吓價。 ana 真的 $3,000 有找嗎？我也想上福島啊！
萊少，
回覆刪除check 過ANA28/6出發唔喺旺季喎！
或者你看看日航這個套票：-
http://www.jalselect.com.hk/data/chi/TYOGET.pdf
大頭仔，
如果可以27/6出發，就大把選擇啦！上面個套票最抵！27/6前出發揀坐07:30航班仲淢多250元添！
另外，我上星期才問過莫小姐，13/7前出發ANA連稅只是$3,0xx！
我手就唔痛，但條腰同對腳就痛到好似老人家行路咁！最辛苦便是由梳化起身個一吓！要揾嘢借力先起到身！
回覆刪除哈哈，你地無做 warm up 咩？
回覆刪除劉鄧
回覆刪除JAL個pdf睇過，ANA雖然無加，但佢原來個價係貴過JAL，即無乜分別。
大頭
可唔可以順便幫我問埋，30/6去3/7返幾銀？^__^
意粉，
回覆刪除我骨頭硬，又少運動，做咗warm up 都無用！
好強呀劉鄧(流淚中)！
回覆刪除咁呢，如果 jal 個 package 我同時享用兩個優惠，即係每人平 $350 嗎？不過要是要用埋優惠 2 ，我便一定只可以留 8 day ，即係最遲 27 號飛，4 號要回程。要是我不要優惠 2 ，我便可以留多過 8 日。對嗎？
好吸引呀！仲要 8 點機，引死人！
要 check 埋 ana 的 package 先！
我聽日一定會找莫小姐，萊少，放心！
大頭仔，
回覆刪除是！數是這樣計，但有無機位就要問過先知！
如旅程超過八日，。除了無優惠2外，另外還要畀多600元！
另外安運滿Fun個港龍套票都幾抵，轉十七日期機票只需補200元，詳情請看:-
http://www.wincastle.com.hk/PDFfiles/japan/Package/TYOKAL.pdf
好強呀劉鄧(流涕中)！
回覆刪除頭先我在翻東北的 rurubu ，直頭好似成晒事咁！我會再問吓齋機票情況如何，始終如果住東橫 inn 會平啲！
係喇，我都擔心七月前後機位好緊張！
大頭仔，
回覆刪除我認為你流汗個樣會好好多！哈~~
七月頭的東北有乜好睇呢？
你翻完本Rurubu東北有乜嘢意見呢？
東北 rurubu 對我冇乜幫助，福島的介紹很少。要真的成行才慢慢找書看。
回覆刪除問了 priceline (萊少聽住)，30.6 出發要 $3,766(全包)，28、29 號同價，26 號也要 $3,566，坐 jal，ana 和西北都滿了。1 號 $3,166，但只得少量位，2 號 $3,366，3 號起至旺季前也是 $3,166。
仲有，佢推介港龍 3 日 2 夜住劇場，$3,290(未連稅)。
太多數字和日期，唔知有冇搞錯。
好頭痕，張 pass 要 7 月 1 日才用得，不能太早出發。7 月起公司放假又競爭激烈。
一萬個唔該晒大頭~
回覆刪除30/6出發要$3,766，都幾貴喎，1/7就平$600......
好想去摘下sakuranbo...
http://www.rurubu.com/season/summer/mikaku/
大家又蠢蠢欲動，我又有大把手信收囉，哈哈！
回覆刪除喺囉！連我老公都話點解我次次同你哋去完街，成日都有啲日本手信帶番來嘅？
回覆刪除呢位大頭選手~駛唔駛痛哭流涕咁多次呀！
回覆刪除收同派手信都同樣咁開心！
除左借書同俾左幾條遊記 link 我同事參考，我仲俾埋你幫 maymay 設計既行程俾佢，佢話會學 maymay 咁齋住仙台喎，不過佢只係停三幾日，主要都係玩信州。
回覆刪除隊友們~~
回覆刪除你就好啦!7月我都想去掃貨
我諗我都係去唔成，大頭你努力呀，揀d sakuranbo返黎俾大家~~
回覆刪除意粉，
回覆刪除東北我沒去過，真想去一次！
去信州跟足你個行程都足夠佢玩了！
Roy,
回歸日去唔成，不如諗吓國慶日個長週末啦！早些訂機票會平些！
大頭仔，
回覆刪除JR East Pass都可以去到長野喎！
不如去吓松本同上高地啦！
是呀，依位同事次次去日本都要我借書同埋俾網友遊記 links，我無你咁好記性，唔可以隨口就噏得出 d 實用資料過佢聽。
回覆刪除萊少，你再 check 吓喇，港龍的 package 可以嗎？我都覺得我呢次未必去得成，睇埋呢兩日先喇！sakuranbo 真係好誘人，千幾 yen 入場咋！松本、上高地都想去，今晚在崇光看 rurubu 啲封面 ，個心已經飛咗過去。
回覆刪除不是為張 pass 而去吧？但都希望大家能順利出發 ^_^
回覆刪除中部仍是下次日遊的首選地區。東北要至少兩個星期才勉強夠去呢……
國慶日果段時間無野摘
回覆刪除我會再問問PL，
另唔知有無凌晨加班機package呢...？
哈哈，張pass確實太吸引喇~ d sakuranbo都係~