今年年頭為自己定下的目標中，學習日本語為其中一個，二零零六年已過了差不多一半，是時候好好地計劃一下了。
三年前在工聯會讀了一年的日本語課程，因為缺乏練習，所學到的已忘掉了七七八八！所以，今次打算從新開始，再由最基本的學起。經過一輪資料搜集後，發現提供有關課程的有港大校外課程，全年共120小時，費用為$3,900；公開大學，全年136小時，費用為$6,600；中大校外進修學院，基礎課程分四階段需時共十六個月，費用為$11,200，哪一個課程適合自己呢？哪一個課程口碑好呢？心大心細！各位可否提供寶貴的意見呢？
持續進修基金可以番八成學費喎！
回覆刪除朋友讀緊日x(唔記得左)，係佐敦商務隔離
佢話 ok 喎，仲係小班教學添！
最好的，應該是中大吧，但就一定、一定、一定，會好、好、好辛苦！
回覆刪除但外邊的，就要睇教的先生，要看運氣了。
(廢話，我根本就無資格在處講三講四)
多謝largeheadboy的意見，我會好好考慮。
回覆刪除Ah Ming,
點解咁講呢！正所謂三人行必有我師，而且每個人睇嘅野都唔同，我問大家意見都是想多些建議可供參考啫，所以，每個回應都對我好重要！不會變成廢話的！
我讀緊中大的基三, 一定要溫書同做功課, 都幾辛苦... 可能係年紀, 記性無咁好! 每階段有四次測驗+一次考試! (不過唔同先生, 個教法好唔同)
回覆刪除如果想報cef, 中大同港大時間上都唔函接'能力試', 所以要claim足10000蚊係有難度(要靠自己自修部份課程)! (之前lala都做過research, 最後報左中大)
又講多小小中大, 佢係話16個月, 但除基一外, 係無暑期課程, 即要抖暑... 以我為例, 我係上年5月(暑期課程)開始讀, 一直讀到基四(約能力試三級), 就要大概20個月(07年1月)! (能力試係每年12月呢!)
同埋港大咁平ge? 佢讀完120hrs大概等如能力試咩level? 同埋佢要自己俾錢買書個喎!
我讀日文只是為興趣，唔想比壓力自己，所以claim唔claim到持續進修基金都無所謂。
回覆刪除港大的課程共分六年完成，第一年為日語入門，我都唔知讀完後等於日本能力試第幾級。
我想如果課程分得六年咁耐，個課程進度會比較慢，啱我這些無記性的人。
其實揀哪一個都未有定案，都要等六月中至尾出了時間表再算。
為興趣, 又有得claim, 何樂而不為呢? (呢個係我報cef的原因, 不過未睇清楚, 就去報!)
回覆刪除讀讀下, 又真係幾有趣, 不過真係要用好多心機!
又或者你考慮下類似呢個ge班啦! 相信好多學校有類似的課程!
http://www.scs.cuhk.edu.hk/scs/course/lang/jpn/gc/prac/?disp=ch
小彭，
回覆刪除多謝你比了咁多意見我，我會好好考慮！希望遲些可以用日文同你溝通、交流吓啦！^-^
唔好客氣, 我d日語係bb班, 仲係麻麻地... 請多多指教就真!
回覆刪除